.svg){kind=small}
ناوي تستعد لاختبار القدرات العامة؟ 📝 أول خطوة تحتاج تسويها هي التسجيل في موقع المركز الوطني للقياس واختيار موعد الاختبار المناسب لك حسب خطة التحضير اللي تحتاجها لأجل تحقق الدرجة اللي تطمح لها 🚀
ينقسم اختبار القدرات من حيث طريقة أداءه إلى نوعين؛ ورقي ومحوسب. مافيه فرق من ناحية طبيعة الأسئلة أو اشتراطات القبول في الجامعات بين النوعين؛ إلا أن الاختبار الورقي متوفر باللغة العربية فقط والمحوسب تقدر تاخذه بالعربية أو الإنجليزية.
من موقع هيئة تقويم التعليم والتدريب مواعيد الاختبارات كالتالي:
متوفر على مدار العام وتقدر تقوم بتسجيل موعد وتختبر في أي وقت.
من المهم تعرف أن الحد الأقصى للطالب هو خمسة فرص، أربعة منها للاختبار المحوسب، وفرصة واحدة للورقي في خلال ثلاثة سنوات، وأن أقل مدة بين أي اختبارين من نفس النوع (سواء ورقي أو محوسب) هي شهر واحد.
ودك تحجز موعد لاختبارك بس متردد من اختيار اليوم المناسب؟ 😕 لا تشيل هم! اتبع هذه الخطوات السهلة واختار يوم الاختبار بثقة ✅
يعتمد الوقت الأفضل للاختبار على عوامل كثير ويختلف من شخص للثاني. عشان تعرف الوقت الي يناسبك، جاوب على الاسئلة التالية:
١. هل تعتقد إنك تأخذ كفايتك من النوم مما يزيد إنتاجيتك في الصباح؟ 🛌
نعم / لا
٢. هل تحس إن تركيزك يكون عالي في الساعات الأولى من اليوم؟ 🧐
نعم / لا
٣. هل تفضل المذاكرة أو تحضير الدروس في الصباح؟ 🤓
نعم / لا
٤. هل تحب تنجز مهامك في بداية اليوم؟ ✅
نعم / لا
٥. هل تشعر إنك رايق أكثر في الصباح من المساء؟ 😌
نعم / لا
إذا كانت أغلب إجاباتك "نعم"، فالصباح هو الوقت المثالي لك، أما إذا كانت أغلب إجاباتك "لا"، فالمساء يناسبك أكثر.
فيه معامل يسمى بالانحراف المعياري 👻 وحسب المركز الوطني للقياس يستخدم هذا المعامل على اختبارات اليوم نفسه (وليس مركز الاختبار) في تثبيت متوسط درجات المختبرين على درجة ٦٥.
يعني صحيح ممكن تتغير درجتك حسب اليوم ولكن في الغالب يكون هذا التغيير ضئيل جداً وماتقدر تحدد إذا التغيير هذا زاد أو نقص من درجتك؛ عشان كذا الأفضل إنك تختار الموعد المناسب لجدولك والمركز القريب منك لأجل تأدي الاختبار في أفضل حال.
